ဩဂုတ်လ ၉ ရက်နေ့ရဲ့ နောက်ဆုံးရ ဘွန်ဒက်စ်လီဂါ သတင်းတွေနဲ့ ထူးခြားတဲ့ အပြောင်းအရွှေ့ သတင်း တချို့ကို ဖော်ပြပေးသွားမှာ ဖြစ်ပါတယ်။
လိုအပ်နေတဲ့ တိုက်စစ်မှူး ရသွားတဲ့ ဒေါ့မန်
ဒေါ့မန် ကတော့ အသင်း အတွက် လိုအပ်နေတဲ့ အထောင် တိုက်စစ် နေရာ အတွက် ကိုလုံးက အန်သိုနီ မိုဒက်စ် ကို ခေါ်ယူနိုင်ခဲ့ပြီ ဖြစ်ကြောင်း တရားဝင် ကြေညာခဲ့ပါတယ်။ အသက် (၃၄) နှစ်အရွယ် တိုက်စစ်မှူးနဲ့ ဒေါ့မန်တို့ ကာလတို စာချုပ်ချုပ်ဆိုခဲ့ပြီး မိုဒက်စ်က ကျောနံပါတ် (၂၀) ကို ဝတ်ဆင်ကစားသွားမှာ ဖြစ်ပါတယ်။
မိုဒက်စ်ဟာ ဘွန်ဒက်စ်လီဂါ ကလပ်တွေ ဖြစ်တဲ့ ဟော့ဖန်းဟိမ်း၊ ကိုလုံး တို့မှာ ကစားခဲ့ပြီး ပြီးခဲ့တဲ့ ရာသီ ကလည်း ပြင်သစ် လီဂူးဝမ်း ကလပ် စိန့်အက်တီယန်မှာ အငှားနဲ့ သွားရောက် ကစားခဲ့ပါတယ်။
ဒေါ့မန်ဟာ ဒီနွေရာသီကမှ ခေါ်ယူထားတဲ့ ဟော်လာရဲ့ ဝှေးစေ့ကင်ဆာ ရောဂါကြောင့် အခုလိုပဲ တိုက်စစ်မှူးသစ် ရှာဖွေခဲ့ရတာပါ။ မိုဒက်စ်ကို ခေါ်ယူပြီး နောက်ပိုင်းမှာလည်း တိုက်စစ်ပိုင်းကို ဆက်လက် အားဖြည့်ဖို့ တခြားသော ကစားသမားတွေကို ပစ်မှတ်ထားနေဆဲ ဖြစ်တယ်လို့လည်း သိရပါတယ်။
ကစားသမားသစ် နှစ်ဦးကို တပြိုင်နက် ခေါ်ယူနိုင်ဖို့ သေချာသွားတဲ့ လိုက်ပ်ဇစ်
ဘွန်ဒက်စ်လီဂါ ကလပ် လိုက်ပ်ဇစ်ဟာ တိုက်စစ်မှူး နှစ်ဦးကို ခေါ်ယူဖို့ သေချာသွားခဲ့ကြောင်း ဖာဘရီဇီယို ရိုမာနိုက အတည်ပြုခဲ့ပါတယ်။
လိုက်ပ်ဇစ်ဟာ ဆဲလ်ဘာ့ဂ် တိုက်စစ်မှူး ဘင်ဂျာမင် ဆက်စ်ကိုနဲ့ ချဲလ်ဆီး တိုက်စစ်မှူး တီမို ဗာနာ တို့ကို ခေါ်ယူနိုင်ဖို့ ရှိနေတာ ဖြစ်ပါတယ်။ ဒါပေမယ့် ဆက်စ်ကို ကတော့ လာမယ့် (၂၀၂၃) နွေရာသီ မှသာ လိုက်ပ်ဇစ်ကို ရောက်ရှိလာမှာ ဖြစ်ပါတယ်။
ဆက်စ်ကိုကို ခေါ်ယူဖို့ ယူနိုက်တက်၊ ချဲလ်ဆီး၊ ပီအက်စ်ဂျီတို့က စိတ်ဝင်စားခဲ့ပေမယ့် ဆဲလ်ဘာ့ဂ်က ပယ်ချခဲ့ပါတယ်။ ဗာနာ အတွက်တော့ ချဲလ်ဆီးနဲ့ လိုက်ပ်ဇစ် အကြား ယူရိုသန်း (၂၀)၊ အပိုဆုကြေးတွေနဲ့ သဘောတူညီမှု ရရှိခဲ့တာ ဖြစ်ပါတယ်။ ဗာနာဟာ အင်္ဂါနေ့မှာ ဆေးစစ်မှု ခံယူကာ လိုက်ပ်ဇစ်နဲ့ တရားဝင် စာချုပ်ချုပ်ဆိုသွားမှာ ဖြစ်ပါတယ်။
အိန်ဂျယ်လီနိုကို ခေါ်ယူနိုင်ခဲ့တဲ့ ဟော့ဖန်းဟိမ်း
ဟော့ဖန်းဟိမ်းဟာ ဘွန်ဒက်စ်လီဂါ ပြိုင်ဘက် လိုက်ပ်ဇစ်ရဲ့ ဘယ်နောက်ခံလူ အိန်ဂျယ်လီနိုကို ခေါ်ယူနိုင်ခဲ့ပြီ ဖြစ်ကြောင်း သိရပါတယ်။ အိန်ဂျယ်လီနိုဟာ မန်စီးတီး ကစားသမားဟောင်း ဖြစ်ပြီး သူ့ကို ခေါ်ယူဖို့ ဘာစီလိုနာ ကလည်း စိတ်ဝင်စားခဲ့ပါသေးတယ်။
လိုက်ပ်ဇစ်ဟာ ဒေးဗစ်ရာယမ်ကို ခေါ်ယူနိုင်ခဲ့တဲ့နောက် အိန်ဂျယ်လီနိုကို ရောင်းချဖို့ ဆုံးဖြတ်ခဲ့တာပါ။ ဟော့ဖန်းဟိမ်းဟာ အိန်ဂျယ်လီနိုကို ကနဦး အငှားစာချုပ်နဲ့ ခေါ်ယူမှာဖြစ်ပြီး အဲ့ဒီနောက်မှာတော့ ယူရို သန်း (၂၀) နဲ့ အပြီးသတ် ခေါ်ယူခွင့် အတွက်ပါ သဘောတူညီထားတယ်လို့ သိရပါတယ်။
အတ္တလန္တာ ကလည်း အိန်ဂျယ်လီနိုကို ပစ်မှတ်ထားခဲ့သေးပေမယ့် ဟော့ဖန်းဟိမ်း ကသာ ကစားသမားကို အလေးအနက်ထား ကမ်းလှမ်းခဲ့ပြီး အိန်ဂျယ်လီနို ကိုယ်တိုင် ကလည်း ဘွန်ဒက်စ်လီဂါ မှာပဲ ဆက်ကစားဖို့ ဆုံးဖြတ်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
