ဒေါ့မန် အတွက် ပါဝင် ကစားပေးနိုင်ပြီ ဖြစ်တဲ့ ဟော်လာ၊ တနေ့မှာ စပိန်ကို ပြန်ချင်တယ် ဆိုတဲ့ အော်လမို စတဲ့ သတင်းတွေ အပါအဝင် ဇန်နဝါရီ ၁၂ ရက်နေ့ ညရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။
ဒေါ့မန် အတွက် လူစားဝင် ကစားနိုင်ပြီ ဖြစ်တဲ့ ဟော်လာ
အဆိုပါ တိုက်စစ်မှူးဟာ ဒေါ့မန် အတွက် ဒုတိယပိုင်း ရောက်မှ လူစားဝင်ကစားခဲ့တာလည်း ဖြစ်ပါတယ်။ ဒါဟာ ဟော်လာရဲ့ ဘွန်ဒက်စ်လီဂါ ကလပ် အတွက် ပထမဆုံး ပါဝင် ကစားပေးနိုင်တဲ့ ပွဲလို့လည်း ပြောလို့ ရပါတယ်။
လေဗာကူဆင် နောက်ခံလူကို စိတ်ဝင်စားမှုတွေ ရှိနေကြောင်း ကစားသမားရဲ့ အေးဂျင့် အတည်ပြု
ဘွန်ဒက်စ်လီဂါ ကလပ် လေဗာကူဆင် နောက်ခံလူ ပီယာရို ဟင်ကာပီ အတွက် ဥရောပ အသင်းကြီး အချို့က စိတ်ဝင်စားနေကြောင်း အေးဂျင့် မီဂွယ်လ် ရေမွန်က ဆိုပါတယ်။
အဆိုပါ ကစားသမား ကိုတော့ စီးရီးအေ ထိပ်သီး အင်တာမီလန်၊ ပရီးမီးယားလိဂ် မြောက်လန်ဒန် ပြိုင်ဘက်တွေ ဖြစ်တဲ့ စပါးနဲ့ အာဆင်နယ် တို့က ချိတ်ဆက်လျက် ရှိပါတယ်။ ရေမွန်က အင်တာမီလန်ဟာ ကစားသမားရဲ့ လမ်းကြောင်း အတွက် ကိုက်ညီပြီး ကစားသမား ဘက်ကလည်း အဆိုပါ အသင်းကို စိတ်ဝင်စားနေတယ်လို့ ဆိုပါတယ်။
ဆက်လက် ပြီးတော့လည်း လက်ရှိအချိန်မှာ အတည်တကျ ဆွေးနွေးမှုတွေ၊ တရားဝင် ကမ်းလှမ်းမှုတွေ မရှိသေးကြောင်း၊ လေဗာကူဆင်လို ထိပ်တန်း အသင်းမျိုးမှာ ဟင်ကာပီ ကစားနေပေမယ့် သူ့ရဲ့ အဆင့်အတန်းကို ထပ်မံ မြှင့်တင်ဖို့ ပစ်မှတ်ထားနေကြောင်း ရေမွန်က ထပ်လောင်း ပြောကြားခဲ့ပါတယ်။
တစ်နေ့မှာ စပိန်ကို ပြန်လိုတယ်လို့ ရင်ဖွင့်လာတဲ့ လိုက်ပ်ဇစ် ကြယ်ပွင့်
အသက် (၂၄) နှစ် အရွယ် အဆိုပါ စပိန်လက်ရွေးစင် ကစားသမားဟာ ပြီးခဲ့တဲ့ ၂၀၂၀ ခုနှစ် ဘွန်ဒက်စ်လီဂါကို ရောက်ရှိလာခဲ့ပြီး အသင်း အတွက် (၁၀၆) ပွဲ ကစားကာ (၁၉) ဂိုး သွင်းယူပေးထားပါတယ်။
ဒီကစားသမားကို ခေါ်ယူဖို့ အတွက် ဘာစီလိုနာ ဘက်က အစဥ်တစိုက် စိတ်ဝင်စားခဲ့ပြီး အော်လမို ကလည်း လက်ရှိ အချိန်မှာ အနာဂတ် အတွက် မစဥ်းစားသေးသည့် တိုင်အောင် တစ်နေ့နေ့မှာ စပိန်မြေကို ပြန်လည် အခြေချလိုကြောင်း ဖွင့်ဟ ပြောကြားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
