အရေးကြီးပွဲတွေ မတိုင်ခင် ဆာအဲလက်စ် ဖာဂူဆန်နဲ့ တွေ့ဆုံခဲ့တဲ့ တန်ဟက်ဂ်၊ လစ်ဗာပူးလ်ကို ဂိုးပြတ်နိုင်တာတောင် ပွဲမပြီးသေးဘူး လုပ်နေတဲ့ အန်ဆယ်လော့တီ စတဲ့ သတင်းတွေ အပါအဝင် ဖေဖော်ဝါရီလ ၂၃ ရက်နေ့ရဲ့ ပရီးမီးယားလိဂ် သတင်း တချို့ကို ဖော်ပြပေးသွားမှာ ဖြစ်ပါတယ်။
အရေးကြီးပွဲတွေ မတိုင်ခင် ဆာအဲလက်စ် ဖာဂူဆန်နဲ့ တွေ့ဆုံခဲ့တဲ့ တန်ဟက်ဂ်
ပရီးမီးယားလိဂ် ကလပ် မန်ချက်စတာယူနိုက်တက် အသင်း နည်းပြ အဲရစ်ခ် တန်ဟက်ဂ်ဟာ ဒီတပတ် အတွင်း ကစားရမယ့် အရေးကြီးပွဲစဉ်တွေ မတိုင်ခင်မှာ နည်းပြဟောင်း ဆာ အဲလက်စ် ဖာဂူဆန်နဲ့ စားသောက်ဆိုင် တစ်ခုမှာ တွေ့ဆုံခဲ့ကြပါတယ်။ ချက်ရှိုင်းယား ဒေသက အီတလီ စားသောက်ဆိုင် တစ်ခုမှာ နှစ်ယောက်တည်း သီးသန့် တွေ့ဆုံခဲ့ကြတာပါ။
တန်ဟက်ဂ် တစ်ယောပ် ဖာဂီ ဆီက အကြံဉာဏ်တွေကို ရယူနေပုံရတယ်လို့ ယူဆရပြီး အီတလီ စားသောက်ဆိုင် ဖြစ်တဲ့ Cibo မှာ တွေ့ဆုံခဲ့တယ်လို့ Daily Mail က ဓာတ်ပုံ မှတ်တမ်းတွေနဲ့ ဖော်ပြခဲ့ပါတယ်။ ယူနိုက်တက်ဟာ ဘာစီလိုနာနဲ့ ယူရိုပါလိဂ် ပလေးအော့ဖ် ဒုတိယအကျော့၊ နယူးကာဆယ်နဲ့ ခရာဘောင်ဖလား ဗိုလ်လုပွဲတွေကို ကစားရဖို့ ရှိနေပါတယ်။
ဒါကြောင့် ဖာဂူဆန်နဲ့ တွေ့ဆုံခဲ့တာဟာ သူ့ရဲ့ အသင်း အတွက် တန်ဟက်ဂ်က အကူအညီ တောင်းဆိုတာ၊ အကြံဉာဏ်ယူတာ ဖြစ်နိုင်တယ်လို့ ခန့်မှန်းနေကြပါတယ်။ ဖာဂူဆန် ကလည်း သူ့ရဲ့ နည်းပြဘ၀ အတွေ့အကြုံတွေနဲ့ အသင်းဟောင်းကို ကူညီပေးနေတာ ဖြစ်ပြီး သူ့အကူအညီတွေ အလုပ် ဖြစ်မလား ဆိုတာ စောင့်ကြည့်ရပါတော့မယ်။
လစ်ဗာပူးလ်ကို ဂိုးပြတ်နိုင်တာတောင် ပွဲမပြီးသေးဘူး လုပ်နေတဲ့ အန်ဆယ်လော့တီ
ရီးရယ်လ်မက်ဒရစ် နည်းပြ ကာလို အန်ဆယ်လော့တီက ပရီးမီးယားလိဂ် ကလပ် လစ်ဗာပူးလ် အသင်းကို ၁၆ သင်းအဆင့် ပထမအကျော့ ပွဲစဉ်မှာ ၅ ဂိုး- ၂ ဂိုးနဲ့ ဂိုးပြတ် အနိုင်ရခဲ့ပေမယ့် ဒီပွဲက မပြီးသေးဘူးလို့ အသင်းသားတွေကို သတိပေးလိုက်ပါတယ်။
ရီးရဲလ်ဟာ အဝေးကွင်းမှာ ဂိုးပြတ် အနိုင်ရခဲ့ပြီး ဒုတိယအကျော့ကို အိမ်ကွင်းမှာ ကစားရမှာ ဖြစ်လို့ နောက်တစ်ဆင့် တက်ဖို့ သေချာသလောက် ရှိနေပါတယ်။ ဒါပေမယ့် အီတလီ လူမျိုး နည်းပြက ဒုတိယအကျော့ပွဲ ကိုလည်း မပေါ့ဆပဲ ကစားဖို့ ပြောခဲ့တာပါ။
အန်ဆယ်လော့တီက “ ဒီပွဲက ကျွန်တော်တို့ အတွက် သမိုင်းဝင် နိုင်ပွဲပါပဲ။ ကျွန်တော် တို့ဟာ ဦးဆောင်ဂိုး ၂ ဂိုး ပေးခဲ့ရပေမယ့် ဘယ်တော့မှ နောက်မဆုတ်ဘဲ စိတ်အေးလက်အေးနဲ့ပဲ သွားခဲ့တယ်။ အထိတ်တလန့်လည်း မဖြစ်ခဲ့ဘဲ အလွန်ခက်ခဲတဲ့ ပွဲကို ပြန်လည် အသာရအောင် လုပ်နိုင်ခဲ့ပါတယ်။ ဒီပွဲရဲ့ စတင်မှုကြောင့် အနိုင်ရဖို့က မလွယ်ခဲ့ပါဘူး”
“ ကျွန်တော် တို့ဟာ ယုံကြည်မှု ဘယ်တော့မှ ဆုံးရှံးခဲ့ခြင်း မရှိဘဲ ဘောလုံး ကိုလည်း တဖြည်းဖြည်းနဲ့ ထိန်းနိုင်ခဲ့ပါတယ်။ ကျွန်တော် တို့ရဲ့ ရှေ့တန်းဟာ ထိရောက်ခဲ့ပြီး ဗင်နီဆီးယက်စ် ဆိုရင် မယုံနိုင်လောက်တဲ့ စွမ်းဆောင်ရည်ကို ထုတ်ပြနိုင်ခဲ့ပါတယ်။ ဒါက အခုမှ ရှုံးထွက်ပွဲစဉ်ရဲ့ ပထမပိုင်းပဲ ရှိပါသေးတယ်”
“ ဒါကြောင့် ဒုတိယအကျော့မှာ ကျွန်တော်တို့ ဒုက္ခမရောက်နိုင်အောင် ကြိုးကြိုးစားစား လုပ်ဆောင်နိုင်ဖို့ လိုအပ်ပါတယ်” လို့ ဆိုခဲ့ပါတယ်။
ဘာစီလိုနာနဲ့ပွဲ အတွက် အချိန်မီ ပြန်လည် သက်သာလာတဲ့ ယူနိုက်တက် ကစားသမား နှစ်ဦး
မန်ချက်စတာယူနိုက်တက် အသင်း နည်းပြ အဲရစ်ခ် တန်ဟက်ဂ်က ဘာစီလိုနာနဲ့ ကစားရမယ့် ယူရိုပါလိဂ် ပလေးအော့ အဆင့် ဒုတိယအကျော့ပွဲ အတွက် နောက်ခံလူ ဟယ်ရီ မက်ဂွိုင်းယား နဲ့ တောင်ပံကစားသမား အန်တိုနီတို့ ဒဏ်ရာ ကနေ ပြန်လည် သက်သာလာခဲ့ပြီလို့ အတည်ပြုလိုက်ပါတယ်။
အဆိုပါ ကစားသမား နှစ်ဦးဟာ ယူနိုက်တက်အတွက် နောက်ဆုံး ကစားခဲ့တဲ့ ပွဲတွေကို လွဲချော်ခဲ့ကြပြီး အန်တိုနီ ကတော့ ၄ ပွဲ ဆက်တိုက် လွဲချော်ခဲ့တာ ဖြစ်ပါတယ်။ ဒါပေမယ့်လည်း ပွဲကစားနိုင်တဲ့ အခြေအနေမျိုး မှာတော့ မက်ဂွိုင်းယား တစ်ဦးတည်းသာ ရှိပြီး အန်တိုနီ ကတော့ ကြံ့ခိုင်မှု ပြည့်၀ဖို့ ရုန်းကန်ရဦးမယ်လို့ သူက ထပ်မံပြောဆိုခဲ့ပါတယ်။ ယူနိုက်တက်ဟာ ဒီပွဲမှာ ပွဲပယ်ခံထားရတဲ့ ကွင်းလယ်လူ မာဆယ် ဆာဘစ်ဇာ ကိုလည်း ပြန်လည် အသုံးပြုခွင့်ရမှာ ဖြစ်လို့ လူအင်အားပိုင်း တောင့်တင်းနေပြီ ဖြစ်ပါတယ်။ ဒါကြောင့် အိုးထရက်ဖို့ဒ်မှာ ကစားရမယ့် ဒီပွဲ အတွက် ယူနိုက်တက်တို့ မျှော်လင့်ချက် ကြီးကြီးမားမား ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
