လစ်ဗာပူးလ် အနေနဲ့ ထရန့် အလက်ဇန္တား အာနိုးလ်ကို အလွတ်နဲ့ ထွက်ခွာခွင့်ပေးရမယ့် အစား လာမယ့် ဇန်နဝါရီ အပြောင်းအရွှေ့မှာ ရောင်းထုတ်သင့်ကြောင်း ပရီးမီးယားလိဂ် နောက်ခံလူဟောင်း ဂလင်း ဂျွန်ဆင်က တိုက်တွန်း ပြောကြားသွားခဲ့ပါတယ်။ ဂလင်း ဂျွန်ဆင်က သူ့ရဲ့ အသင်းဟောင်း အနေနဲ့ အင်္ဂလန် ညာနောက်ခံလူ အာနိုးလ်ကို ၂၀၂၅ ခုနှစ် နွေရာသီမှာ အလွတ် ပြောင်းရွှေ့ကြေးနဲ့ လက်လွှတ်ရမယ့် အစား လာမယ့် ဇန်နဝါရီ အပြောင်းအရွှေ့ကာလမှာ ထိုက်တန်တဲ့ ပြောင်းရွှေ့ကြေးရရင် ရောင်းထုတ်ဖို့ တိုက်တွန်းခဲ့တာ ဖြစ်ပါတယ်။
လက်ရှိမှာ အသက် ၂၆ နှစ် အရွယ် ရှိပြီ ဖြစ်တဲ့ အာနိုးလ်ဟာ ဒီရာသီ အကုန်မှာ လစ်ဗာပူးလ်နဲ့ စာချုပ် သက်တမ်း ကုန်ဆုံးမှာလည်း ဖြစ်ပါတယ်။ အာနိုးလ်ကို စပိန် ထိပ်သီး ရီးရဲလ်မက်ဒရစ်က ခေါ်ယူဖို့ ရေပန်းစားနေပါသေးတယ်။ လစ်ဗာပူးလ်ဟာ အသင်းရဲ့ အကယ်ဒမီထွက် ကစားသမား ဖြစ်တဲ့ အာနိုးလ်ကို စာချုပ်သစ်ချုပ်ဆိုဖို့ စီစဉ်နေပေမယ့်လည်း လက်ရှိအချိန်ထိ အဆင်မပြေ ဖြစ်နေတယ်လို့ သိရပါတယ်။
ပရီးမီးယားလိဂ် ကလပ် အနေနဲ့ အာနိုးလ်ကို ဒီဇင်ဘာလ မတိုင်ခင် စာချုပ်သစ် ချုပ်ဆိုနိုင်ခြင်း မရှိရင်တော့ လာမယ့် ဇန်နဝါရီလမှာ ပြည်ပ ကလပ်တွေနဲ့ အပြောင်းအရွှေ့ အတွက် ဆွေးနွေးခွင့် ရရှိမှာလည်း ဖြစ်ပါတယ်။ ဒါကြောင့် ဂလင်း ဂျွန်ဆင်က လာမယ့် ဇန်နဝါရီလမှာ အာနိုးလ် အတွက် ထိုက်တန်တဲ့ ကမ်းလှမ်းတွေ ရှိလာရင်တော့ ရောင်းထုတ်ဖို့ အသင်းဟောင်း လစ်ဗာပူးလ်ကို တိုက်တွန်းခဲ့တာ ဖြစ်ပါတယ်။
ဂလင်း ဂျွန်ဆင်က “လစ်ဗာပူးလ် အနေနဲ့ အာနိုးလ်ကို စာချုပ်သစ် ချုပ်ဆိုဖို့ ဆွေးနွေးနေမှာ သေချာပါတယ်။ လစ်ဗာပူးလ် တာဝန်ရှိသူတွေ ခေါင်းမကောင်းမှပဲ အာနိုးလ်ကို ပြောင်းရွှေ့ကြေး အလွတ်နဲ့ လက်လွှတ်ပါလိမ့်မယ်။ အာနိုးလ်ကို ဘယ်သူမှ လက်လွှတ်ချင်မှာ မဟုတ်ပါဘူး။ အာနိုးလ် ထွက်မယ် ဆိုရင် လစ်ဗာပူးလ် အနေနဲ့ ဇန်နဝါရီမှာ ရောင်းချသင့်ပါတယ်။” လို့ ပြောကြားခဲ့ပါတယ်။
ဒါ့အပြင် အာနိုးလ်နဲ့ အတူ အသင်းရဲ့ အဓိက ကစားသမား ဖြစ်တဲ့ အသင်းခေါင်းဆောင် ဗန်ဒိုက်ခ်နဲ့ တောင်ပံ တိုက်စစ် ကစားသမား ဆာလာ တို့ကလည်း အခုရာသီအကုန်မှာ လစ်ဗာပူးလ်နဲ့ စာချုပ် သက်တမ်း ကုန်ဆုံးမှာလည်း ဖြစ်ပါတယ်။ ဗန်ဒိုက်ခ်က လစ်ဗာပူးလ်နဲ့ စာချုပ်သစ် ချုပ်ဆိုဖို့ ဆွေးနွေးနေကြောင်း အတည်ပြုထားပေမယ့်လည်း ဆာလာနဲ့ အာနိုးလ် တို့ကလည်း စာချုပ်သစ် အတွက် အသင်းနဲ့ ဆွေးနွေးမှု ရှိ၊ မရှိ အတည်ပြုထားခြင်းတော့ မရှိသေးပါဘူး။
အာနိုးလ် ကတော့ ပရီးမီးယားလိဂ် ကလပ်နဲ့ အတူ ၂၀၁၆ ခုနှစ်မှာ ပရိုကစားသမားဘဝကို စတင်ခဲ့သူ ဖြစ်ပြီးတော့ ပြိုင်ပွဲစုံ ၃၁၉ ပွဲ ကစားထားသလို အသင်းနဲ့ အတူ ဆုဖလား အားလုံး နီးပါးကို ရရှိထားသူပါ။ အာနိုးလ်က နည်းပြဟောင်း ယာဂန် ကလော့ပ် လက်ထက် ကတည်းက လစ်ဗာပူးလ် အသင်းရဲ့ အဓိက ကစားသမား ဖြစ်လာခဲ့သူပါ။ ဒါ့အပြင် သူက လက်ရှိ နည်းပြ အာနေး ဆလော့တ် လက်ထက်မှာလည်း အဓိက ကစားသမား အဖြစ် ခြေစွမ်းပြနေသူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
