ဆော်ဒီပရိုလိဂ် ကလပ် အဲလ်ဟီလယ် ကတော့ လစ်ဗာပူးလ် တောင်ပံ တိုက်စစ် ကစားသမား မိုဟာမက် ဆာလာကို ခေါ်ယူဖို့ စောင့်ကြည့်နေခဲ့တာ ဖြစ်ပါတယ်။ လက်ရှိ မှာတော့ အဲလ်ဟီလယ်က အီဂျစ် တိုက်စစ် ကစားသမားကို တစ်နှစ် လုပ်ခ လစာ ပေါင် ၆၅ သန်းနဲ့ ကမ်းလှမ်းဖို့ စီစဉ်လျက် ရှိကြောင်း သတင်းတွေ ထွက်ပေါ်လာပါတယ်။
မိုဟာမက် ဆာလာ ကတော့ လက်ရှိ မှာတော့ အသက်အရွယ်အားဖြင့် ၃၂ နှစ် ရှိပြီ ဖြစ်ပြီးတော့ လာမယ့် နွေရာသီမှာ လစ်ဗာပူးလ်နဲ့ စာချုပ်သက်တမ်း ကုန်ဆုံးမှာလည်း ဖြစ်ပါတယ်။ ဒါ့အပြင် လစ်ဗာပူးလ် ဘက်က မိုဟာမက် ဆာလာကို စာချုပ်သက်တမ်းတိုးဖို့ လုပ်ဆောင်ရာမှာ ကြန့်ကြာမှုတွေ ရှိနေတာကြောင့် လမ်းခွဲဖို့ အလားအလာ များနေကြောင်းလည်း သိရပါဝယ်။
အဓိက ကတော့ အသက် ၃၀ ကျော်နေတဲ့ ဆာလာဟာ ကစားသမားဘဝ နေဝင်ချိန်ကို တဖြည်းဖြည်း ဝင်ရောက်လာတာကြောင့် လစ်ဗာပူးလ်က စာချုပ်သက်တမ်းတိုးရာမှာ တုန့်ဆိုင်းနေတာ ဖြစ်ပါတယ်။ လက်ရှိမှာ အကောင်းဆုံး ခြေစွမ်းပြနေဆဲ ဖြစ်တဲ့ ဆာလာက အသင်းနဲ့ ၃ နှစ် သက်တမ်းတိုးလိုနေတယ်လို့ သိရပြီး အသင်း ဘက်ကတော့ ၂ နှစ် သက်တမ်းသာ တိုးလိုနေတာလည်း ဖြစ်ပါတယ်။ ဒါကြောင့် ညှိနှိုင်းတဲ့ နေရာမှာ အဆင်မပြေ ဖြစ်နေပြီး မိုဟာမက် ဆာလာကို စောင့်ကြည့်နေတဲ့ အသင်းတွေက စတင် ကြိုးပမ်းဖို့ ပြင်ဆင်လာတာ ဖြစ်ပါတယ်။
ဆာလာဟာ လစ်ဗာပူးလ်မှာ တစ်နှစ် လုပ်ခ လစာ ပေါင် ၁၈ သန်း ဝန်းကျင်သာ ရရှိနေပြီး အဲလ်ဟ်လယ် ဘက်က ပေးချေမယ့် လုပ်ခ လစာနှုန်းထား ကတော့ မက်မောဖွယ်ရာ ဖြစ်ပါတယ်။ အဲလ်ဟီလယ်ဟာ ဆာလာကို တစ်နှစ် လုပ်ခ ပေါင် ၆၅ သန်း နှုန်းနဲ့ ၂ နှစ် စာချုပ် ချုပ်ဆိုဖို့ စီစဉ်ထားတာလည်း ဖြစ်ကြောင်း သိရပါတယ်။
အကယ်၍ ဆာလာသာ လစ်ဗာပူးလ်နဲ့ စာချုပ်သက်တမ်း မတိုးဖြစ်ခဲ့ဘူး ဆိုရင်တော့ အဲလ်ဟီလယ် အနေနဲ့ အလွတ်ပြောင်းရွှေ့ကြေးနဲ့ ခေါ်ယူနိုင်မှာ ဖြစ်ပါတယ်။ ဒါပေမယ့်လည်း ဆော်ဒီပရိုလိဂ် ကလပ် ဘက်ကတော့ အသင်းမှာ အသုံးမဝင် ဖြစ်နေတဲ့ နေမာကို ရှင်းထုတ် ပြီးတော့ ဆာလာ ကိုတော့ မြင့်မားတဲ့ လုပ်ခ လစာနှုန်းထားနဲ့ ကမ်းလှမ်းသွားဖို့ စီစဉ်နေတယ်လို့လည်း သိရပါတယ်။ အသက် ၃၂ နှစ် အရွယ် ရှိပြီ ဖြစ်တဲ့ နေမာ ကိုတော့ ဆော်ဒီပရိုလိဂ် အင်အားကြီး ကလပ် အဲလ်ဟီလယ်က လက်ကျန် ရာသီဝက် အတွက် ကစားသမား မှတ်ပုံတင်ခြင်း မရှိခဲ့ကြောင်း နည်းပြကြီး ဂျော့ဂျ် ဂျီးဆပ်စ် ကိုယ်တိုင်က အတည်ပြု ပြောကြားထားပါတယ်။အဲလ်ဟီလယ်ရဲ့ စံချိန်တင် ပြောင်းရွှေ့ကြေးရှင် ဘရာဇီးလ် တိုက်စစ်ကစားသမား နေမာဟာ ပြီးခဲ့တဲ့ ၂၀၂၄ ခုနှစ် အတွင်း အသင်း အတွက် ပြိုင်ပွဲစုံမှာ ၂ ပွဲသာ ကစားပေးနိုင်ခဲ့သလို အဲဒီ ၂ ပွဲ မှာလည်း နေမာက ပွဲချိန်ပြည့် ကစားခဲ့တာ မဟုတ်ပဲ စုစုပေါင်း ၄၂ မိနစ်သာ ကစားခဲ့တာ ဖြစ်ပါတယ်။ မကြာခဏ ဆိုသလို ဒဏ်ရာတွေ ရရှိနေတတ်ပြီး အသင်း အတွက် အကျိုးမပြုနိုင်တဲ့ နေမာကို အဲလ်ဟီလယ်က စာချုပ် သက်တမ်းကုန်ဆုံးမယ့် ဒီရာသီအကုန်မှာပဲ လမ်းခွဲဖို့ ရှိနေတာပါ။ ဒါကြောင့် နေမာကို မေဂျာလိဂ် ကလပ် ၃ သင်းလောက်က လာမယ့် နွေရာသီမှာ အလွတ် ပြောင်းရွှေ့ကြေးနဲ့ ခေါ်ယူဖို့ ဆွေးနွေးနေလျက် ရှိကြောင်းလည်း သတင်းတွေ ထွက်နေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
