ဘေယန်နဲ့ ဒုတိယအကျော့ကို ဆက်လက် လွဲချော်ဦးမယ့် နေမာ၊ အမ်ဘာပေကို အူပါမီကာနိုနဲ့ ထိန်းမယ့် ဘေယန် (ဘွန်ဒက်စ်လီဂါ နောက်ဆုံးရ သတင်းများ)

ဘေယန်နဲ့ ဒုတိယအကျော့ကို ဆက်လက် လွဲချော်ဦးမယ့် နေမာ၊ အမ်ဘာပေကို အူပါမီကာနိုနဲ့ ထိန်းမယ့် ဘေယန် စတဲ့ သတင်းတွေ အပါအဝင် မတ် ၄ ရက်နေ့ရဲ့ ဘွန်ဒက်စ်လီဂါ သတင်း တချို့ကို ဖော်ပြပေးသွားမှာ ဖြစ်ပါတယ်။

ဘေယန်နဲ့ ဒုတိယအကျော့ပွဲကို နေမာ လွဲချော်မယ်လို့ ပီအက်စ်ဂျီ နည်းပြ အတည်ပြု

ပီအက်စ်ဂျီ နည်းပြ ခရစ္စတိုဖီ ဂဲလ်တီယာက ဘေယန်မြူးနစ်နဲ့ ရင်ဆိုင်ရမယ့် ချန်ပီယံလိဂ် ရှုံးထွက်အဆင့် ဒုတိယအကျော့ပွဲကို နေမာ ဆက်လက် လွဲချော်သွားမှာ ဖြစ်ကြောင်း ပြောကြားခဲ့ပါတယ်။ 

အဆိုပါ ဘရာဇီးလ် လက်ရွေးစင် တိုက်စစ်မှူးဟာ လိုင်လီနဲ့ ပွဲမှာ ခြေကျင်းဝတ် ဒဏ်ရာ ရရှိခဲ့ပြီး လက်ရှိအချိန် အထိ အသင်းရဲ့ ပွဲစဥ်တွေကို ဆက်တိုက် လွဲချော်နေရတာပါ။ 

နန့်စ်နဲ့ ကစားမယ့်ပွဲ မတိုင်ခင်မှာ ပီအက်စ်ဂျီ နည်းပြ ဂဲလ်တီယာက နေမာက အသင်းရဲ့ ပွဲစဥ် နှစ်ပွဲကို ဆက်လက် လွဲချော်မှာ ဖြစ်ကြောင်း၊ အဲ့ဒါကြောင့် ဘေယန်မြူးနစ်နဲ့ ပွဲကို လွဲချော်သွားမယ်လို့ ထင်ကြောင်း၊ နေမာ မပါဝင်နိုင်တာက အသင်း အတွက် နစ်နာကြောင်း ပြောကြားသွားခဲ့ပါတယ်။ 

ပီအက်စ်ဂျီဟာ ပထမအကျော့ အိမ်ကွင်းမှာတုန်းက ဘွန်ဒက်စ်လီဂါ ဘီလူးကြီးကို တစ်ဂိုး ဂိုးမရှိနဲ့ အရေးနိမ့်ခဲ့တာကြောင့် ဒုတိယအကျော့ အဝေးကွင်းမှာ မဖြစ်မနေ အနိုင်ကစားဖို့ လိုအပ်နေပါတယ်။ 

အူပါမီကာနိုနဲ့ အမ်ဘာပေကို ထိန်းနိုင်မယ်လို့ ဘေယန် နည်းပြ ယုံကြည်နေ

ဘေယန်မြူးနစ် နည်းပြ ဂျူလီယန် နေဂဲလ်စ်မန်းက ပီအက်စ်ဂျီနဲ့ ကစားမယ့် ချန်ပီယံလိဂ် ရှုံးထွက်အဆင့် ဒုတိယအကျော့ပွဲမှာ ပွဲထွက်ကစားဖွယ် ရှိတဲ့ နောက်ခံလူ ဒါယော့ အူပါမီကာနိုက ပြိုင်ဘက် ကီလီယန် အမ်ဘာပေကို ထိန်းချုပ်ဖို့ ကူညီပေးမှာ ဖြစ်ကြောင်း ပြောကြားခဲ့ပါတယ်။ 

ဘွန်ဒက်စ်လီဂါ ကလပ်ရဲ့ အဓိကနောက်ခံလူ ဘင်ဂျာမင် ပါဗက်ဟာ ပထမအကျော့မှာ ပြသခံခဲ့ရတဲ့ အနီကတ်ကြောင့် ပီအက်စ်ဂျီနဲ့ ဒုတိယအကျော့ အဆုံးအဖြတ် ပွဲကို လွဲချော်သွားမှာ ဖြစ်ပါတယ်။ 

ပါဗက်ရဲ့ နေရာ မှာတော့ အူပါမီကာနို ပွဲထွက်လာနိုင်ပြီး နေဂဲလ်စ်မန်းက ဗုဒ္ဓဟူးနေ့မှာ ပါဗက် နေရာ အတွက် ဖြေရှင်းနည်း ရှာဖွေရမှာ ဖြစ်ကြောင်း၊ ယူပါမီကာနိုနဲ့ အစားထိုးရမှာ ဖြစ်ပြီး ဒီကစားသမားရဲ့ မြန်နှုန်းနဲ့ ခွန်အားက အမ်ဘာပေကို ထိန်းချုပ်ဖို့ ကူညီပေးနိုင်ကြောင်း ပြောကြားခဲ့ပါတယ်။ 

အူပါမီကာနို ကလည်း ဘွန်ဒက်စ်လီဂါ ပြည်တွင်းပွဲမှာ ပွဲပယ် ပြစ်ဒဏ် ကျခံပြီးရာ ကနေ ပီအက်စ်ဂျီနဲ့ အရေးကြီး ပွဲမှာ ပွဲထွက်ကစားခွင့်ရမှာလည်း ဖြစ်ပါတယ်။

ဘေယန်မြူးနစ်နဲ့ သက်တမ်းတိုးလိုက်တဲ့ ချူပိုမိုတင်း

ဘေယန်မြူးနစ်ဟာ အသင်းရဲ့ တိုက်စစ်မှုး တစ်ဦး ဖြစ်တဲ့ အဲရစ်ခ် မက်ဆင်မ် ချူပိုမော့တင်းကို (၂၀၂၄) ခုနှစ် အထိ သက်တမ်းရှိတဲ့ စာချုပ်သစ် တစ်ရပ် ချုပ်ဆိုလိုက်ပါတယ်။ 

ချူပိုမော့တင်းဟာ ပီအက်စ်ဂျီ မှာလည်း ကစားခဲ့ဖူးပြီး ဘေယန်မြူးနစ် အတွက်လည်း လိုအပ်တဲ့ အချိန်မှာ လိုအပ်တဲ့ နေရာ ကနေ အကောင်းဆုံး အသုံးတော် ခံပေးနေတဲ့ ကစားသမားပါ။ 

ဒီကစားသမားဟာ ဒီရာသီမှာ ဘွန်ဒက်စ်လီဂါနဲ့ ချန်ပီယံလိဂ် ပြိုင်ပွဲ နှစ်ခုပေါင်းမှာ သွင်းဂိုး (၁၂) ဂိုး၊ ဂိုးဖန်တီးမှု (၅) ကြိမ် ရရှိထားပြီးနောက် ဘေယန်မြူးနစ် ဘက်က သူ့ကို စာချုပ် သက်တမ်းတိုးခဲ့တာပါ။ 

အသင်းရဲ့ အားကစား ဒါရိုက်တာ ဟာဆန် ဆာလီဟာမစ်ဇစ်က ချူပိုမော့တင်းက ဘောလုံးကို အနုပညာ‌မြောက် ကစားနိုင်ပြီး နောက်ပိုင်း နှစ်တွေမှာ ပုံစံကောင်း ပြသခဲ့ကြောင်း၊ ပထမ ရာသီဝက် မှာလည်း အသင်းရဲ့ ဗဟိုတိုက်စစ်မှူး နေရာ ကွက်လပ်ကို ဖြည့်ဆည်းနိုင်အောင် ကူညီပေးခဲ့ကြောင်း ပြောကြားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.