ဩဂုတ်လ ၆ ရက်နေ့ရဲ့ နောက်ဆုံးရ ဘွန်ဒက်စ်လီဂါ သတင်းတွေနဲ့ ထူးခြားတဲ့ အပြောင်းအရွှေ့ သတင်း တချို့ကို ဖော်ပြပေးသွားမှာ ဖြစ်ပါတယ်။
ကိန်းရဲ့ အပြောင်းအရွှေ့ သတင်းတွေဟာ ကောလာဟလသာ ဖြစ်ကြောင်း ဘေယန် ဖြေရှင်း
ဘေယန်မြူးနစ်ရဲ့ အားကစား ဒါရိုက်တာ ဆာလီဟာမစ်ဇစ်က စပါး တိုက်စစ်မှူး ဟယ်ရီကိန်းကို ခေါ်ယူဖို့ ပစ်မှတ်ထားနေတဲ့ သတင်းတွေ အပေါ် ကောလာဟလတွေသာ ဖြစ်တယ်လို့ ဖြေရှင်းလိုက်ပါတယ်။ ဘွန်ဒက်စ်လီဂါ လက်ရှိချန်ပီယံ ကလပ်ဟာ လီဝမ်ဒေါစကီးကို ရောင်းချပြီးနောက် သူ့ရဲ့ နေရာ အတွက် တိုက်ရိုက် အစားထိုး ခေါ်ယူထားတာမျိုး မရှိသေးပါဘူး။
နည်းပြ နေဂဲလ်စ်မန်း ကိုယ်တိုင်က ဒီကစားသမားကို စိတ်ဝင်စားကြောင်း ပြောကြားခဲ့ဖူးပေမယ့် ဆာလီဟာမစ်ဇစ် ကတော့ “ဒါတွေအားလုံးက ကောလာဟလတွေပါ။ မန်စီးတီးနဲ့ လစ်ဗာပူးလ် တို့က နံပါတ် (၉) ကစားသမား မရှိဘဲ နှစ်တွေ ကြာအောင် အောင်မြင်ခဲ့ဖူးပါတယ်”
“ကျွန်တော်တို့က နေရာ ၄ ခုအတွက် အရည်အချင်း တူညီတဲ့ ကစားသမား ၄ ယောက်ကို လူစားလဲနိုင်ပါတယ်။ ဥရောပမှာက တိုက်စစ်နဲ့ ပတ်သက်တဲ့ အရည်အသွေးက အရမ်းရှားပါတယ်။ အခု ဒါတွေကို ထိန်းညှိဖို့က နည်းပြနဲ့ သူ့အဖွဲ့ဝင်တွေ လုပ်ရတော့မှာပါ” လို့ ပြောကြားသွားခဲ့ပါတယ်။
ရှော်ကေးကို ပြောင်းရွှေ့ဖို့ နီးစပ်နေတဲ့ ဆွီဒင်ကြယ်ပွင့်
ဆွီဒင် တိုက်စစ် ကြယ်ပွင့် ဂျော်ဒန် လာဆင် ကတော့ ဘွန်ဒက်စ်လီဂါ ကလပ် ရှော်လ်ကေးကို ပြောင်းရွှေ့ဖို့ နီးစပ်နေတယ်လို့ သိရပါတယ်။ ဒီကစားသမားဟာ ရုရှား ကလပ် စပါးတပ်မော်စကို ကနေ ထွက်ခွာလာခဲ့ပြီးနောက် အသင်းလက်မဲ့ ဖြစ်နေသူပါ။
ဂန္တဝင်ကစားသမားကြီး ဟင်းနရစ်လာဆင်ရဲ့ သားလည်း ဖြစ်တဲ့ ဒီကစားသမားဟာ စကော့တလန် ကလပ် ရိန်းဂျားစ်ကို ပြောင်းရွှေ့မယ်လို့လည်း သတင်းတွေ ထွက်ပေါ်နေပါသေးတယ်။ ဒါပေမယ့်လည်း အခုချိန်မှာတော့ အသင်း လက်မဲ့ ဖြစ်နေတဲ့ လာဆင်က ရှော်လ်ကေးကို ပြောင်းရွှေ့ဖို့ သဘောတူညီမှု ရရှိထားကြောင်း နာမည်ကျော် ဂျာနယ်လစ် ဖာဘရီဇီယို ရိုမာနိုက ပြောပါတယ်။
လာဆင် အနေနဲ့ မကြာခင် ဂျာမနီကို ရောက်ရှိလာတော့မှာ ဖြစ်ပြီး ဆေးစစ်မှုခံယူပြီးနောက် အသင်းနဲ့ တရားဝင် စာချုပ်ချုပ်ဆိုကာ ဒီရက်သတ္တပတ် မကုန်ခင်မှာပဲ ရှော်လ်ေကး ကစားသမား အဖြစ် တရားဝင် ကြေညာဖို့ ရှိနေပါတယ်။
လာမယ့် ရာသီမှာ ဂိုးတွေ သွင်းဖို့ မျှော်လင့်ထားတဲ့ ဒီလစ်ဂ်
ဘေယန်မြူးနစ် နောက်ခံလူ မာသီးယပ်စ် ဒီလစ်ဂ် ကတော့ အသင်းသစ်နဲ့ အတူ ရာသီသစ်မှာ ဂိုးတွေ သွင်းယူနိုင်ဖို့ မျှော်လင့်ထားကြောင်း ပြောလာပါတယ်။ ဒီကစားသမားဟာ ဗဟို နောက်ခံလူ တယောက် ဖြစ်ပေမယ့် အခွင့်အရေး ရလာတဲ့ အချိန်မှာ အမြင့်ဘောတွေ ကတဆင့် ဂိုးသွင်းယူနိုင်ဖို့ မျှော်လင့်နေတာပါ။
ဒီလစ်ဂ်ဟာ လက်ရှိ နွေရာသီ အပြောင်းအရွှေ့မှာမှ ဂျူဗင်တပ်စ် ကနေ ဘွန်ဒက်စ်လီဂါ လက်ရှိ ချန်ပီယံ ဘေယန်မြူးနစ် အသင်းကို ပြောင်းရွှေ့ခဲ့တာ ဖြစ်ပါတယ်။
နယ်သာလန် လက်ရွေးစင် ဗဟိုနောက်ခံလူက “ကျွန်တော့်ရဲ့ အမြင့်ဘော စွမ်းရည်၊ အမြင့်ခုန်နိုင်စွမ်းနဲ့ ဂိုးတွေ သွင်းနိုင်သင့်တယ်လို့ ထင်ပါတယ်။ ကျွန်တော် ဘေယန်နဲ့ ပထမဆုံးပွဲ၊ ဒီစီယူနိုက်တက်နဲ့ ကစားခဲ့တဲ့ ပွဲမှာ သွင်းခဲ့တဲ့ ဂိုးကို မြင်မှာပေါ့” “ကျွန်တော်က ဂိုးဧရိယာ ထဲမှာ ဆိုရင် အရမ်းကို သွက်လက်ပြီး လွတ်လွတ်လပ်လပ် ကစားပါတယ်။ ဒါကလည်း ကျွန်တော် ကြိုက်တဲ့ပုံစံပါ” လို့ ပြောကြားသွားခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
