ချန်ပီယံလိဂ် ရှုံးထွက် ပလေးအော့ဖ် ဒုတိယအကျော့ရဲ့ အစောဆုံး ပွဲစဉ် တစ်ပွဲ အဖြစ် အေစီမီလန်နဲ့ ဖီယင်နော့ဒ်တို့ ဆန်စီရိုမှာ ယှဉ်ပြိုင်ကစားခဲ့ကြပါတယ်။ ဒီနေ့ ပွဲမှာ အေစီမီလန်က အိမ်ကွင်း အားသာချက်ကို အသုံးမချနိုင်ခဲ့ပဲ သရေသာ ကစားနိုင်ခဲ့တာကြောင့် နှစ်ကျော့ပေါင်း ၁-၂ ရလဒ်နဲ့ ဖီယင်နော့ဒ်ကို ရှုံးပြီး ပြိုင်ပွဲ ကနေ ထွက်ခွာသွားခဲ့ရတာ ဖြစ်ပါတယ်။
အေစီမီလန်က ဒီနေ့ပွဲမှာ အကောင်းဆုံး လူစာရင်းနဲ့ ပွဲထွက်လာခဲ့တာ ဖြစ်ပြီး မဖြစ်မနေ နိုင်ပွဲ ရယူဖို့ ပြင်ဆင်လာခဲ့တာပါ။ အဝေးကွင်းမှာ လာကစားရတဲ့ ဖီယင်နော့ဒ် ကလည်း ခံစစ်ကို လုံအောင် ကစားပြီး အခွင့်အရေးရတာနဲ့ လျင်မြန်တဲ့ တောင်ပံတွေ ကနေ တဆင့် တန်ပြန် တိုက်စစ် ကစားပြီး ဂိုးရဖို့ ကြိုးပမ်းခဲ့ပါတယ်။ အေစီမီလန် ဘက်မှာ မိုက်ဂ်နန်၊ ဝေါလ်ကာ၊ သီယော်၊ ပက်ဗ်လိုဗစ်၊ သီယို၊ မူဆာ၊ ရင်ဒါ၊ ပူလီဆစ်၊ ယာအို ဖီးလစ်၊ ရာဖေးလ်၊ လီယောင်၊ ဆန်တီယာဂို ဟင်မီနက်ဇ် တို့နဲ့ ပွဲထွက်လူစာရင်းက လုံးဝ တောင့်တင်းခဲ့ပါတယ်။ ဖီယင်နော့ဒ် ဘက်မှာတော့ အဓိက ကစားသမား တချို့ ဒဏ်ရာရနေခဲ့ပြီး ဝယ်လန်ရူသာ၊ စမဲလ်၊ ဟန့်ချ်ကို၊ ဘီးလန်၊ ရိဒ်၊ ဘူနို၊ မိုဒါ၊ မီလမ်ဘို၊ ပိုင်ရှို၊ ရက်ဒ်မွန်၊ မူဆာ တို့နဲ့ ပွဲထွက်လာခဲ့ပါတယ်။
ပွဲစကတည်းက အေစီမီလန်က လိုအပ်နေတဲ့ သွင်းဂိုးတွေ အတွက် တိုက်စစ်မြှင့်လာခဲ့ပြီး ပွဲချိန် ၁ မိနစ်မှာတင်ပဲ ဦးဆောင်ဂိုး ရခဲ့ပါတယ်။ ဆန်တီယာဂို မာတီနက်ဇ်က သူ့ရဲ့ အသင်းဟောင်း ဘက်ကို သီယော်ရဲ့ ဖန်တီးပေးမှု ကနေ ခေါင်းတိုက်ပြီး သွင်းယူပေးခဲ့တာ ဖြစ်ပါတယ်။ ဟင်မီနက်ဇ်ဟာ ပြီးခဲ့တဲ့ ဇန်နဝါရီ ကမှ အသင်း ကနေ ထွက်ခွာသွားတဲ့ မိုရာတာရဲ့ နေရာ အတွက် အစားထိုးဖို့ ရောက်ရှိလာတဲ့ တိုက်စစ်မှူး ဖြစ်ပြီး အေစီမီလန် အတွက် ၅ ပွဲ ကစား ၃ ဂိုး သွင်းကာ၊ ၁ ဂိုးဖန်တီးထားနိုင်ခဲ့ပြီလည်း ဖြစ်ပါတယ်။ အဲဒီနောက် အေစီမီလန် ကပဲ ပွဲကို ဆက်လက် ထိန်းချုပ် ကစားနေခဲ့ပြီး နောက်တစ်ဆင့် တက်ဖို့ အနိုင်သေချာစေမယ့် သွင်းဂိုးတွေ ရှာဖွေဖို့ ကြိုးစားခဲ့ပါတယ်။ ပထမပိုင်းမှာ အေစီမီလန်တို့ ဂိုးကန်သွင်းခွင့် အကြိမ်ကြိမ် ရရှိခဲ့ပြီးတော့ ယာအို ဖီးလစ်၊ သီယို ဟာနန်ဒက်ဇ်နဲ့ ရာဖေးလ် လီယောင် တို့ရဲ့ အဆုံးသတ်ပိုင်း အားနည်းခဲ့လို့ သွင်းဂိုးတွေနဲ့ လွဲချော်ခဲ့ရတာ ဖြစ်ပါတယ်။
ဒါပေမယ့်လည်း ပွဲကို အလှည့်အပြောင်း ဖြစ်သွားစေခဲ့တာက ပွဲချိန် ၅၁ မိနစ်မှာ ဖြစ်ပါတယ်။ သီယို ဟာနန်ဒက်ဇ်က သူ့ရဲ့ ထုံးစံ အတိုင်း ၁၈ ကိုက် စည်းထဲ ဆွဲဝင်ရာမှာ ဟန်ဆောင် ဒိုင်ဗင်ထိုးသလို ဖြစ်သွားခဲ့တာကြောင့် ကွင်းလယ်ဒိုင်က ဒုတိယမြောက် အဝါကတ်ကို ပြသပြီး နှစ်ဝါ တစ်နီနဲ့ ထုတ်ပယ်ခဲ့ပါတယ်။ အေစီမီလန်တို့ တစ်ယောက်လျော့သွားချိန် မှာတော့ ပွဲရဲ့ ချိန်ခွင်လျှာက ဖီယင်နော့ဒ် ဘက်ကို ပြန်ရောက်သွားပြီး နယ်သာလန် ကလပ် ကလည်း ရတဲ့ အခွင့်အရေးကို အကောင်းဆုံး အသုံးချနိုင်ခဲ့ပါတယ်။ ပွဲချိန် ၇၃ မိနစ် မှာတော့ ဖီယင်နော့ဒ်တို့ နောက်တစ်ဆင့် တက်ရောက်စေမယ့် ဂိုးကို သွင်းယူခဲ့ပြီး ဘူနိုရဲ့ ဖန်တီးပေးပို့မှုကို ကာရန်ဇာက အားပါပါ ခေါင်းတိုက် အဆုံးသတ်သွားခဲ့တာ ဖြစ်ပါတယ်။ လက်ကျန် မိနစ်တွေမှာ အိမ်ရှင်တို့ ၁၀ ယောက် ၁၁ ယောက် အနေအထားနဲ့ သွင်းဂိုး ရအောင် ရှာဖွေခဲ့ပေမယ့် ဘယ်လိုမှ မတတ်နိုင်ခဲ့လို့ ၁-၁ ရလဒ်နဲ့ပဲ ပွဲပြီးဆုံးခဲ့ပါတယ်။ ဒါကြောင့် ဖီယင်နော့ဒ်က နှစ်ကျော့ပေါင်း ၂-၁ ရလဒ်နဲ့ အေစီမီလန်ကို ကျော်ဖြတ်ပြီး ချန်ပီယံလိဂ် ၁၆ သင်း အဆင့်ကို ထိုက်ထိုက်တန်တန် တက်လှမ်းသွားနိုင်ခဲ့ပါတယ်။
ဒီနေ့ပွဲမှာ ကွန်ဆီကာအိုရဲ့ အေစီမီလန်က ကစားကွက် အသေအချာ တည်ဆောက်ပြီး ဖီယင်နော့ဒ် ဘက်ကို တည်တည်ငြိမ်ငြိမ်နဲ့ တိုက်စစ်ဆင်ဖို့ ကြိုးစားခဲ့သလို အမှန်တကယ်လည်း ထိရောက်ခဲ့ပါတယ်။ တိုက်စစ်မှူးတွေ အခွင့်အရေးတွေ ဖြုန်းတီးနေသည့် တိုင်အောင် အချိန်တန်ရင်တော့ သွင်းဂိုး ရသွားနိုင်ခဲ့တာပါ။ ဒါပေမယ့် သီယို ဟာနန်ဒက်ဇ်ရဲ့ အနီကတ်က အေစီမီလန်ရဲ့ ဒီနှစ် အတွက် ချန်ပီယံလိဂ် ခရီးလမ်းကို ရပ်တန့်သွားစေခဲ့တယ်လို့ပဲ ဆိုရတော့မှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
