လာလီဂါ ကလပ် ရီးရဲလ်မက်ဒရစ်ရဲ့ ကြယ်ပွင့် ဗင်နီးစီးယပ်စ် ဂျူနီယာ ကတော့ မနေ့ညက ဒေါ့မန်နဲ့ ကစားခဲ့တဲ့ ချန်ပီယံလိဂ် ပွဲစဉ်မှာ ခြေစွမ်းပြပြီးနောက် ဟက်ထရစ်လည်း သွင်းယူနိုင်ခဲ့ပါတယ်။ ရီးရဲလ်မက်ဒရစ်က ပထမပိုင်းမှာ ၂ ဂိုးပြတ်နဲ့ ရှုံးနိမ့်နေခဲ့ပေမယ့် ၅-၂ ရလဒ်နဲ့ အံ့အားသင့်ဖွယ် ပြန်လာနိုင်ခဲ့ပြီးတော့ ထူးခြားတဲ့ နိုင်ပွဲလည်း ရရှိခဲ့တာ ဖြစ်ပါတယ်။ ဒီပွဲ အပြီးမှာတော့ ဗင်နီးစီးယပ်စ်က အသင်းနဲ့ အတူ ချန်ပီယံလိဂ်ဖလား ထပ်မံ ရယူသွားချင်ကြောင်း ထုတ်ဖော် ပြောဆိုမှုတွေ ပြုလုပ်လာခဲ့ပါတယ်။
ရီးရဲလ်မက်ဒရစ်ဟာ ဥရောပ ချန်ပီယံလိဂ် ပြိုင်ပွဲ သမိုင်းတလျှောက် အအောင်မြင်ဆုံး ကလပ် အဖြစ် ရပ်တည်နေပြီး ပြိုင်ပွဲရဲ့ လက်ရှိ ချန်ပီယံလည်း ဖြစ်ပါတယ်။ ဒီနှစ် မှာတော့ ချန်ပီယံလိဂ် ကို ကျင်းပမှု ပုံစံ အသစ်နဲ့ ပြောင်းလဲ ကျင်းပနေပြီး လက်ရှိ ချန်ပီယံ ရီးရဲလ်က ၃ ပွဲကစား၊ ၂ ပွဲ နိုင်၊ ၁ ပွဲရှုံးထားပါတယ်။ ရီးရဲလ်မက်ဒရစ်က ပြီးခဲ့တဲ့ ရာသီကထက် ကစားသမား အင်အား တောင့်တင်း ပိုမို တောင့်တင်းနေတယ် ဆိုပေမယ့်လည်း အဓိက ကစားသမား တချို ဒဏ်ရာ ပြဿနာ ရှိနေတာကြောင့် အသင်းရဲ့ ပုံမှန် ခြေစွမ်းကို လျော့ကျနေစေတာ ဖြစ်ပါတယ်။ ဒါ့အပြင် ရီးရဲလ်က နောက်ဆုံး ကစားခဲ့တဲ့ ပွဲစဉ်တွေမှာ အသင်းရဲ့ ခံစစ်ပိုင်းက ပြိုင်ဘက်ကို အခွင့်အရေးတွေ ပေးနေမိပြီး ဂိုးတွေလည်း ခွင့်ပြုနေခဲ့ရတာ ဖြစ်ပါတယ်။
ရီးရဲလ်မက်ဒရစ်က မနေ့ညက ဒေါ့မန်နဲ့ ချန်ပီယံလိဂ် ပွဲစဉ် မှာလည်း ပထမပိုင်းမှာပဲ ဒေါ့မန်ကို ၂ ဂိုး အထိ ခွင့်ပြုပေးခဲ့ရပြီးမှ ဒုတိယပိုင်း မှာတော့ ဗင် နီစီယပ်စ်ရဲ့ ဟက်ထရစ်နဲ့ အတူ ၅ ဂိုး အထိ ပြန်လည် သွင်းယူရင်း အံ့အားသင့်စရာ ပြန်လာနိုင်မှုနဲ့ နိုင်ပွဲ ပိုင်ဆိုင်ခဲ့တာ ဖြစ်ပါတယ်။ အကယ်၍ ရီးရဲလ်မက်ဒရစ်သာ ဒီပွဲမှာသာ ပြန်မလာနိုင်ခဲ့ရင်တော့ ဒီရာသီ ချန်ပီယံလိဂ်မှာ အခြေအနေ ဆိုးရွားနေကြောင်း လက်ခံရတော့မှာလည်း ဖြစ်ပါတယ်။
ရီးရဲလ်မက်ဒရစ်ရဲ့ အဓိက တိုက်စစ်မှူး ဖြစ်တဲ့ ဗင်နီးစီယပ်စ် ကလည်း မကြာခင်မှာ ချီးမြှင့်သွားတော့မယ့် ၂၀၂၄ ဘယ်လွန်ဒေါဆု အတွက် ထိပ်ဆုံး ကနေ ရေပန်းစားလျက် ရှိနေပါတယ်။ ဒါ့အပြင် ဗင်နီးစီးယပ်စ် ဘယ်လွန်ဒေါဆုရှင် ဖြစ်လာခါနီးမှ အခုလို အသင်း အတွက် ခြေစွမ်းမျိုးတွေ ပြသထားနိုင်လို ဒီဆုနဲ့ ထိုက်တန်မှု ရှိတဲ့ ကစားသမား ဖြစ်ကြောင်း ပရိသတ်တွေ ကပါ သတ်မှတ်နေကြပြီ ဖြစ်ပါတယ်။
ပွဲအပြီးမှာတော့ ဗင်နီးစီးယပ်စ်က “ကျွန်တော် ဒီအသင်းမှာ အမြဲတမ်း ထာဝရ ရှိသွားချင်ပါတယ်။ ကျွန်တော် ရီးရဲလ်မက်ဒရစ်ကို အရမ်းပဲ ချစ်ပါတယ်။ နောက်ပြီး ကျွန်တော်တို့ ချန်ပီယံလိဂ် ဖလားကြီး နောက်ထပ် တစ်ကြိမ် ထပ်မံ ရယူသွားချင်ပါတယ်။” လို့ ပြောဆိုသွားခဲ့တာ ဖြစ်ပါတယ်။ ရီးရဲလ်မက်ဒရစ် ကတော့ ချန်ပီယံလိဂ် လိဂ် အဆင့် ပွဲစဉ်တွေ အဖြစ် အေစီမီလန်၊ လစ်ဗာပူးလ်၊ အတ္တလန္တာ၊ ဆဲလ်ဘာ့ဂ်၊ ဘရက်စ် အသင်းတွေနဲ့ ဆက်လက် ရင်ဆိုင်သွားရဦးမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
