လီဂူးဝမ်း ကလပ် ပီအက်စ်ဂျီ နာမည်ကျော် တိုက်စစ် ကစားသမား အူစမန်နီ ဒမ်ဘီလီ ကတော့ မက်ဆီ၊ ရော်နယ်ဒိုနဲ့ မိုဒရစ် တို့ရဲ့ အောင်မြင်မှု မှတ်တမ်းတွေကို အမှီလိုက်နိုင်ခဲ့ပြီ ဖြစ်ပါတယ်။ ဒမ်ဘီလီဟာ ၂၀၂၅ ခုနှစ် FIFA ရဲ့ The Best (အမျိုးသမား အကောင်းဆုံး ဘောလုံးသမားဆု) ကို ဆွတ်ခူး ရရှိခဲ့ပြီးနောက် အထက်ပါ နာမည်ကျော် ကစားသမားကြီးတွေရဲ့ အောင်မြင်မှု မှတ်တမ်းတွေကို လိုက်မှီခဲ့တာ ဖြစ်ပါတယ်။
ပြင်သစ် တိုက်စစ် ကစားသမား ဒမ်ဘီလီက ပြီးခဲ့တဲ့ရာသီက ပီအက်စ်ဂျီ အတွက် အံ့အားသင့်စရာ ခြေစွမ်းကောင်းတွေ ပြသနိုင်ခဲ့ပြီးတော့ ချန်ပီယံလိဂ်မှာ ၈ ဂိုး သွင်းကာ ဂိုးဖန်တီးမှု ၆ ကြိမ် ပြုလုပ်ခဲ့ပါတယ်။ ဒါ့အပြင် လီဂူးဝမ်း ထိပ်သီး တို့ကို အသင်း သမိုင်းတလျှောက် ပထမဦးဆုံး အကြိမ် အဖြစ် ဥရောပ ချန်ပီယံ ဖြစ်စေဖို့ အရေးပါတဲ့ နေရာ ကနေ စွမ်းဆောင်ပေးခဲ့ပါတယ်။ ဒါ့အပြင် ဒမ်ဘီလီက လီဂူးဝမ်း မှာလည်း ၂၁ ဂိုး သွင်းခဲ့ပြီး ပြိုင်ပွဲစုံ မှာတော့ သွင်းဂိုး ၃၅ ဂိုးသွင်း၊ ၁၃ ကြိမ် ဂိုးဖန်တီးခဲ့ပါတယ်။ ဒါ့အပြင် ပီအက်စ်ဂျီကို ကမ္ဘာ့တတိယမြောက် တစ်ရာသီ အတွင်း ဖလား ၆ လုံး ချန်ပီယံ ဖြစ်စေခဲ့ပါတယ်။ ပီအက်စ်ဂျီဟာ အဓိက ဆုဖလား ၃ ခု ဖြစ်တဲ့ လီဂူးဝမ်း၊ ပြင်သစ် ရှုံးထွက်ဖလား၊ ပြင်သစ် စူပါဖလား၊ ချန်ပီယံလိဂ်၊ ဥရောပစူပါဖလား၊ အင်တာကွန်တီနန်တယ် ဖလားတွေ ရယူနိုင်ခဲ့တာ ဖြစ်ပါတယ်။
တစ်ဦးချင်း အောင်မြင်မှုတွေ အနေနဲ့ ကတော့ အူစမန်နီ ဒမ်ဘီလီက စက်တင်ဘာလက ဘယ်လွန်ဒေါဆု ရရှိခဲ့သလို အခု The Best FIFA ဆုပေးပွဲ မှာလည်း အမျိုးသား အကောင်းဆုံး ဘောလုံးဆုနဲ့ အောင်ပွဲခံနိုင်ခဲ့တာ ဖြစ်ပါတယ်။ ဒမ်ဘီလီဟာ အဓိက ပြိုင်ဘက်တွေ ဖြစ်တဲ့ လာမင်း ယာမယ်နဲ့ ကီလီယန် အမ်ဘာပေး တို့ကို အပြတ်အသတ် အသာရပြီး ဒီဆုကို ရရှိခဲ့တာလည်း ဖြစ်ပါတယ်။
FIFA ရဲ့ The Best ဆုကို ရမှတ် ၅၀ နဲ့ ဆွတ်ခူးခဲ့တာက လီဝမ်ဒေါစကီး (၂၀၂၀) နဲ့ မက်ဆီ (၂၀၂၃) တို့ ပြီးရင် ဒမ်ဘီလီက တတိယမြောက် ကစားသမား ဖြစ်ပါတယ်။ ဒါ့အပြင် ဒမ်ဘီလီဟာ ဘယ်လွန်ဒေါဆုကို ရမှတ် ၅၀ နဲ့ ရယူနိုင်ခဲ့တာကြောင့် မက်ဆီ (၂၀၂၃) ပြီးရင် ဘယ်လွန်ဒေါနဲ့ The Best ဆုတွေကို ၁ နှစ်အတွင်း ရမှတ် ၅၀ နဲ့ ဆွတ်ခူးနိုင်ခဲ့တဲ့ ဒုတိယမြောက် ကစားသမား ဖြစ်ခဲ့ပါတယ်။ သမိုင်းမှာ ဘယ်လွန်ဒေါနဲ့ The Best ကို တစ်နှစ် အတွင်း ရယူနိုင်ခဲ့တဲ့ ကစားသမား ၄ ဦးသာ ရှိပြီး ၂၀၁၆၊ ၂၀၁၇ တို့မှာ ခရစ္စတီယာနို ရော်နယ်ဒို၊ ၂၀၁၈ မှာ မိုဒရစ်နဲ့ ၂၀၁၉၊ ၂၀၂၃ တို့မှာ မက်ဆီနဲ့ ဒမ်ဘီလီတို့ ဖြစ်ပါတယ်။
ဒမ်ဘီလီဟာ ဒီရာသီမှာ ပြီးခဲ့တဲ့ ရာသီကလောက် ခြေစွမ်းမပြနိုင်ပေမယ့် ပြိုင်ပွဲစုံ ၁၇ ပွဲ ကစားပြီးချိန်မှာ ၅ ဂိုးသွင်း၊ ၄ ဂိုးဖန်တီးပေးထားပါတယ်။ ဒမ်ဘီလီဟာ ဒီရာသီမှာ ကြံ့ခိုင်မှု အခြေအနေကြောင့် ပွဲအများစုမှာ အရန်ကစားသမား အဖြစ်ပဲ ပါဝင်နေရပြီး လက်ကျန် ရာသီဝက်မှာ မနှစ်ကလိုမျိုး ခြေစွမ်းတွေ ပြန်ရမလား ဆိုတာတော့ စောင့်ကြည်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
