နော်ဝေ တိုက်စစ်မှူး အာလင်း ဟာလန်း ကတော့ ပရီးမီးယားလိဂ် ကလပ် မန်ချက်စတာစီးတီးနဲ့ မကြာသေးခင် ကမှ ၉ နှစ်ခွဲ သက်တမ်း ရှိတဲ့ စာချုပ်သစ် တစ်ရပ် ချုပ်ဆိုထားခဲ့တာ ဖြစ်ပါတယ်။ ဒါပေမယ့်လည်း စိတ်ဝင်စားစရာကောင်းတာက ဟာလန်း အနေနဲ့ မန်စီးတီးနဲ့ ကာလရှည် စာချုပ်သစ် ချုပ်ဆိုခဲ့သည့် တိုင်အောင် ဥရောပ ထိပ်တန်း ကလပ် ၃ သင်းကို သူ့စိတ်တိုင်းကျ ပြောင်းရွှေ့ခွင့် ရှိနေကြောင်း စပိန် သတင်းစာ Marca က ဖော်ပြခဲ့ပါတယ်။
Marca ရဲ့ ဖော်ပြချက်အရ ဆိုရင် ဟာလန်းက မန်စီးတီးမှာ ၂၀၃၄ အထိ ဆက်ရှိနေမှာ ဖြစ်ပေမယ့် စာချုပ်ပါ သဘောတူညီချက်အရ လာလီဂါ ထိပ်သီး ရီးရဲလ်မက်ဒရစ်နဲ့ ဘာစီလိုနာ အပြင် လီဂူးဝမ်း ကလပ် ပီအက်စ်ဂျီ တို့က ကမ်းလှမ်းလာခဲ့ရင်တော့ သူ့ရဲ့ စိတ်ကြိုက် ဆုံးဖြတ်ပိုင်ခွင့် ရှိနေတယ်လို့ သိရပါတယ်။
ဒါပေမယ့်လည်း ဟာလန်းက သူ့ အနေနဲ့ ကာလရှည်ကြာ စာချုပ်သစ် မချုပ်မီကလည်း မန်စီးတီးရဲ့ ဘဏ္ဍာရေး စည်းမျဉ်း ချိုးဖောက်မှုပေါင်း ၁၁၅ မှု အတွက် စွဲချက်တင်ထားခံရတာနဲ့ ပတ်သတ်လို့ အတွေးထဲမှာ လုံးဝ မရှိခဲ့ကြောင်း ပြောကြားထားခဲ့ပါသေးတယ်။ ဒါ့အပြင် ဟာလန်းက ပရီးမီးယားလိဂ် မန်စီးတီးမှာ နှစ်ပေါင်းများစွာ ရှေ့ဆက်ဖို့ ရည်ရွယ်ထားကြောင်းလည်း ပြောကြားထားပါသေးတယ်။
မန်ချက်စတာစီးတီး ကတော့ ပြီးခဲ့တဲ့ ဇန်နဝါရီလ ၁၇ ရက်နေ့က အသင်းရဲ့ ဂိုးသွင်းစက် အာလင်း ဟာလန်းကို ၂၀၃၄ ခုနှစ် အထိ စာချုပ်သစ် ချုပ်ဆိုခဲ့ကြောင်း တရားဝင် ကြေညာထားခဲ့တာ ဖြစ်ပါတယ်။ အဲဒီ စာချုပ်အရ အသက် ၂၄ နှစ် အရွယ် ရှိပြီ ဖြစ်တဲ့ ဟာလန်း အနေနဲ့ ကစားသမား ဘဝ သက်တမ်း တစ်လျှောက်လုံး မန်စီးတီးမှာ ကစားသွားဖို့ ရှိနေတဲ့ အခြေအနေလည်း ဖြစ်ပါတယ်။ ဒီစာချုပ်က ဘောလုံးသမိုင်းမှာ သက်တမ်း အရှည်ကြာဆုံး စာချုပ်ဖြစ်ခဲ့သလို အားကစား သမိုင်းရဲ့ တန်ဖိုး အမြင့်ဆုံး စာချုပ်တွေထဲက တစ်ခု အဖြစ်လည်း မှတ်တမ်းဝင်ထားပါသေးတယ်။
ယခင် စာချုပ်အရ ဟာလန်းက တစ်ပတ်ကို အခြေခံ လုပ်ခလစာ အဖြစ် ပေါင် ၃၇၅၀၀၀ ရရှိခဲ့ပြီး တခြားသော အပိုဆုကြေးတွေပါ ပေါင်းထည့်ရင်တော့ ပေါင် ၈၅၀၀၀၀ နဲ့ အထက် ရရှိနေခဲ့တာ ဖြစ်ပါတယ်။ စာချုပ်သစ် ချုပ်ဆို အပြီး မှာတော့ ဟာလန်း အနေနဲ့ တစ်နှစ် လုပ်ခလစာ အမေရိကန် ဒေါ်လာ ၁၉ ဒသမ ၅ သန်း ရရှိမှာ ဖြစ်ပြီး ကနဦး ၅ နှစ် အတွက် စာချုပ်တန်ဖိုးမှာ ဒေါ်လာ ၉၇ ဒသမ ၅ သန်း ရရှိနိုင်ကြောင်း ခန့်မှန်း ဖော်ပြထားပါတယ်။ အချက်အလက်တွေ အရ အာလင်း ဟာလန်းရဲ့ စာချုပ်သစ်ဟာ တစ်နှစ်ကို အမေရိကန် ဒေါ်လာ ၂၅.၃ သန်း ရှိနိုင်ပြီးတော့ စာချုပ် တန်ဖိုး ကတော့ စုစုပေါင်း အမေရိကန် ဒေါ်လာ ၂၂၇.၇ သန်း အထိ ရှိနိုင်တယ်လို့ သိရပါတယ်။
ဟာလန်း ကတော့ မန်ချက်စတာစီးတီးနဲ့ နှစ်ရှည် စာချုပ်ချုပ်ဆိုပြီးနောက် ပရီးမီးယားလိဂ် ၂ ပွဲဆက် ဂိုးသွင်းကာ ခြေစွမ်းကောင်းတွေလည်း ပြန်လည် ပြသထားနိုင်သူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
