ပရီးမီးယားလိဂ် ကလပ် မန်ချက်စတာယူနိုက်တက် တိုက်စစ်မှူး မားကပ်စ် ရက်ရှ်ဖို့ဒ် ကတော့ အသင်း ကနေ ထွက်ခွာဖို့ ဆန္ဒရှိနေတယ်လို့ သိရပါတယ်။ ဒါ့အပြင် ဒေါက်တာလေးဟာ လာမယ့် ဇန်နဝါရီ အပြောင်းအရွှေ့ ကာလ မှာတင်ပဲ ကမ်းလှမ်းမှုတွေကို လက်ခံ စဉ်းစားသွားဖွယ် ရှိနေကြောင်းလည်း သိရပါတယ်။
လက်ရှိမှာ အသက် ၂၆ နှစ် အရွယ် ရှိပြီ ဖြစ်တဲ့ မားကပ်စ် ရက်ရှ်ဖို့ဒ် ကတော့ ပရီးမီးယားလိဂ် ကလပ် ယူနိုက်တက်မှာ ပုံမှန် ခြေစွမ်းပြသနိုင်ခြင်း မရှိတဲ့ အတွက် ဝေဖန်မှုတွေနဲ့ ရင်ဆိုင်နေရသူ ဖြစ်ပါတယ်။ ဒါ့အပြင် ရက်ရှ်ဖို့ဒ်ဟာ ပွဲတိုင်းလိုလို သူ့ရဲ့ ထိရောက်မှု မရှိတဲ့ ကစားဟန်၊ ပေါ့ပျက်တဲ့ ကစားပုံတွေကြောင့် အသင်း ပရိသတ် တော်တော်များများက အသင်း ပြောင်းရွှေ့သင့်ကြောင်း အကြံပြုမှုတွေလည်း ရှိနေတာ ဖြစ်ပါတယ်။
လက်ရှိမှ ရက်ရှ်ဖို့ဒ်ကို ပရီးမီးယားလိဂ် ပြိုင်ဘက် အသင်း တချို့ အပြင် ဥရောပ ထိပ်တန်း ကလပ် တချို့ကလည်း ခေါ်ယူဖို့ စိတ်ဝင်စားနေကြောင်း သတင်းတွေ ထွက်ပေါ်နေပါတယ်။ ရက်ရှ်ဖို့ဒ် ကတော့ အသင်း ပြောင်းရွှေ့ဖို့ အတွက် ယူနိုက်တက် တာဝန်ရှိသူတွေထံ တရားဝင် တောင်းဆိုသွားမယ်လို့ သိရပြီး လာမယ့် ဇန်နဝါရီလမှာတင်ပဲ ကမ်းလှမ်းမှုတွေကို လက်ခံစဉ်းစားဖွယ် ရှိနေကြောင်း ဗြိတိန် မီဒီယာ တချို့က ဖော်ပြထားပါတယ်။
အင်္ဂလန် လက်ရွေးစင် တိုက်စစ် ကစားသမား မားကပ်စ် ရပ်ရှ်ဖို့ဒ်ဟာ ယူနိုက်တက် အကယ်ဒမီထွက် ကစားသမား တစ်ဦးလည်း ဖြစ်ပါတယ်။ ဒါ့အပြင် ရက်ရှ်ဖို့ဒ်က ပရော်ဖက်ရှင်နယ် ကစားသမား ဘဝ တစ်လျှောက်လုံး ပရီးမီးယားလိဂ် ကလပ် ယူနိုက်တက် တစ်သင်းထဲမှာပဲ ကစားခဲ့သူ ဖြစ်ပါတယ်။ လက်ရှိမှာ ယူနိုက်တက်နဲ့ ရက်ရှ်ဖို့ဒ်တို့ ချုပ်ဆိုထားတဲ့ စာချုပ်က ၂၀၂၈ ခုနှစ် အထိ သက်တမ်း ရှိနေပြီး သူ့ကို ခေါ်ယူဖို့ အာဆင်နယ်၊ အက်စတွန်ဗီလာ၊ ပီအက်စ်ဂျီ၊ နာပိုလီနဲ့ မာဆေးလ် တို့က စိတ်ဝင်စားနေတယ်လို့ သိရပါတယ်။
ယူနိုက်တက် အကယ်ဒမီထွက် တိုက်စစ် ကစားသမား ရက်ရှ်ဖို့ဒ်ဟာ ပြီးခဲ့တဲ့ ၂၀၁၅ ခုနှစ်မှာ ပရီးမီးယားလိဂ် ကလပ် ယူနိုက်တက်ရဲ့ စီနီယာ အသင်းကြီး အတွက် စတင် ကစားပေးခွင့်ရရှိခဲ့သူ ဖြစ်ပါတယ်။ ရက်ရှ်ဖို့ဒ်ဟာ အခု လက်ရှိထိ ပြိုင်ပွဲစုံ ပွဲစဉ်ပေါင်း ၄၀၆ ပွဲ အထိ ကစားပေးခဲ့ပြီး သွင်းဂိုး ၁၃၁ ဂိုး အထိ သွင်းယူနိုင်ခဲ့ပေမယ့် နောက်ဆုံး ကစားခဲ့တဲ့ ပွဲပေါင်း ၅၀ မှာတော့ ၉ ဂိုးသာ သွင်းယူထားနိုင်ခဲ့ပါတယ်။ ရက်ရှ်ဖို့ဒ် အနေနဲ့ ဒီရာသီမှာလည်း ယူနိုက်တက် အတွက် ၈ ပွဲ ပါဝင်ကစားခဲ့ရာ မှာတော့ ၁ ဂိုး သွင်းကာ ၁ ဂိုး ဖန်တီးထားခဲ့ပါတယ်။
တချို့ သတင်းတွေ မှာတော့ ဘာစီလိုနာ နည်းပြ ဟန်ဆီ ဖလစ်ခ်က အသင်းရဲ့ ဘယ်တောင်ပံနေရာ အတွက် သူနဲ့ ဘေယန်မြူးနစ်မှာ လက်တွဲခဲ့ဖူးတဲ့ ကင်စလေ ကိုးမန်း အပြင် ယူနိုက်တက်ရဲ့ အင်္ဂလန် တောင်ပံ တိုက်စစ် ကစားသမား မားကပ်စ် ရက်ရှ်ဖို့ဒ်ကို အံ့အားသင့်ဖွယ် ထည့်သွင်းထားတယ်လို့လည်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
