ပရီးမီးယားလိဂ် ကလပ် ချဲလ်ဆီး အသင်းရဲ့ အသင်းခေါင်းဆောင် ရိစ် ဂျိမ်းစ် ကတော့ ဒဏ်ရာကြောင့် ကာလရှည်ကြာ အနားယူနေရသူ ဖြစ်ပါတယ်။ ဒါ့အပြင် ရိစ် ဂျိမ်းစ်က ဒဏ်ရာ ကနေ ပြန်လည် သက်သာလာခဲ့ပေမယ့် ပြီးခဲ့တဲ့ ရာသီက ဘရိုက်တန်နဲ့ ပွဲမှာ အနီကတ် ပြသခံခဲ့ရတာကြောင့် ပရီးမီးယားလိဂ် ရာသီ အဖွင့် ၄ ပွဲ လွဲချော်ဦးမှာ ဖြစ်ပါတယ်။
ဒီအခြေအနေမှာ အင်္ဂလန် ညာနောက်ခံလူ ရိစ် ဂျိမ်းစ်က သူ့အနေနဲ့ လာမယ့် ဘောလုံး ရာသီသစ်မှာ ချဲလ်ဆီး အတွက် အကောင်းဆုံး စွမ်းဆောင်ပေးသွားဖို့ အာရုံစိုက်ထားပြီး အသင်း ဒုက္ခရောက်စေမယ့် အမှားတွေ ထပ်ပြီး မလုပ်ဖြစ်အောင် သတိထား ကစားသွားမယ်လို့ ကတိပေးစကား ပြောလာခဲ့ပါတယ်။
ရိစ် ဂျိမ်းစ်က “ကျွန်တော့် အနေနဲ့ ကန့်သတ်ချက်တွေကို တွန်းလှန်ပြီး ကစားတတ်တဲ့ ကစားသမားမျိုး ဖြစ်တာကြောင့် တစ်ခါတစ်ရံမှာ ဒါက ကျွန်တော့် အတွက်ရော အသင်း အတွက်ပါ ထိခိုက်စေပါတယ်။ ဒါပေမယ့် ဒါက ကျွန်တော့်ကို ပိုကောင်းအောင် လုပ်ဆောင်နေတဲ့ အရာတွေပါ။ ကျွန်တော် အသင်း အတွက် အန္တရာယ် များစေမယ့် အရာတွေနဲ့ အမှားတွေကို မလုပ်ချင်တော့ပါဘူး။” လို့ ပြောကြားသွားခဲ့တာ ဖြစ်ပါတယ်။
ဆက်လက်ပြီး ရိစ် ဂျိမ်းစ်က“ကျွန်တော် အခုတော့ ကောင်းမွန်တဲ့ နေရာမှာ ပြန်ရောက်နေပြီလို့ ထင်ပါတယ်။ ကျွန်တော် တစ်ရာသီလုံးနီးပါး ပွဲထွက် ကစားခွင့်တွေနဲ့ လွဲချော်ခဲ့ရသလို အခုလည်း ၄ ပွဲပယ် ပြစ်ဒဏ် ကြောင့် ကျွန်တော်ရဲ့ ရာသီကြို ကာလရှည်ကို ဖြတ်သန်းရဦးမှာပါ။ ဒါပေမယ့် ကျွန်တော် လက်ရှိမှာ အခြေအနေ ကောင်းနေပါတယ်။ နည်းပြသစ် ရောက်လာချိန်မှာ စနစ်သစ်တွေနဲ့ အပြောင်းအလဲတွေ အများကြီး ရှိလာမှာ ဖြစ်ပေမယ့် ကျွန်တော် ကတော့ စိတ်လှုပ်ရှားနေပြီး ရာသီသစ် စတင် နိုင်ဖို့ မစောင့်နိုင်တော့ပါဘူး။” လို့ ထုတ်ဖော် ပြောကြားသွားခဲ့ပါတယ်။
အသက် ၂၄ နှစ် အရွယ် ညာနောက်ခံလူ ရိစ် ဂျိမ်းစ်ဟာ ပြီးခဲ့တဲ့ ဘောလုံးရာသီတုန်းက တံကောက်ကြော ဒဏ်ရာကြောင့် ခွဲစိတ်ကုသမှုခံယူခဲ့ရပြီး အသင်းရဲ့ ပွဲစဉ် ၃၈ ပွဲ အထိ လွဲချော်ခဲ့ရပါတယ်။ ပွဲစဉ် ၁၁ ပွဲသာ ကစားပေးနိုင်ခဲ့သလို ရာသီကုန်ခါနီး ဘရိုက်တန်နဲ့ ပွဲစဉ် မှာလည်း အနီကတ် ပြသခံခဲ့ရလို ဒီရာသီ ပရီးမီးယားလိဂ် ၄ ပွဲ လောက် ဆက်လက် ပွဲပယ်ခံရဖို့ ရှိနေသူပါ။ ဒဏ်ရာတွေ မကြာခဏ ရရှိနေလို injury prone player လို့ ဝေဖန် ပြောဆိုခံနေရတဲ့ ရိစ် ဂျိမ်းစ်ဟာ အရည်အသွေးမြင့် ချဲလ်ဆီး အကယ်ဒမီထွက် ကစားသမားကောင်း တစ်ဦး ဖြစ်ပြီး အသက်ငယ်ငယ်နဲ့ပဲ အသင်းခေါင်းဆောင် လက်ပတ်ကို ပိုင်ဆိုင်ခဲ့သူ ဖြစ်ပါတယ်။
လက်ရှိမှာ ရိစ် ဂျိမ်းစ်က ဒဏ်ရာ ကနေ အရှင်း ပြန်လည် သက်သာနေပြီ ဖြစ်ပြီး ကြံခိုင်မှုလည်း ပြန်လည် ပြည့်ဝနေပါပြီ။ ဒါကြောင့် ကစားသမားက သူ့ အနေနဲ့ လာမယ့် ဘောလုံးရာသီမှာ အသင်း အတွက် အကောင်းဆုံး အခြေအနေတွေနဲ့ ကစားလိုပြီး အန္တရာယ် ဖြစ်စေမယ့် ကိစ္စရပ်တွေ ကိုလည်း ပိုပြီး သတိထားသွားမယ်လို့ ကတိပေးထားခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
