ဗလာဟိုဗစ် အတွက် ယူရိုသန်း ၁၁၀ သတ်မှတ်ထားတဲ့ ဂျူဗီ၊ မော်ရင်ဟို အတွက် ၂၀၀ ရာခိုင်နှုန်း ပေးဆပ်မယ့် ဒီဘားလား စတဲ့ သတင်းတွေ အပါအဝင် ဇန်နဝါရီ ၁၅ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။
ဗလာဟိုဗစ် အတွက် ယူရိုသန်း (၁၁၀) သတ်မှတ်ထားတဲ့ ဂျူဗင်တပ်စ်
စီးရီးအေ ကလပ် ဂျူဗင်တပ်စ်ဟာ အသင်းရဲ့ တိုက်စစ်မှူး ဒူဆန် ဗလာဟိုဗစ် အတွက် ပြောင်းရွှေ့ကြေး ယူရိုသန်း (၁၁၀) သတ်မှတ်ထားကြောင်း သိရပါတယ်။
အဲ့ဒီ ဆားဘီးယား တိုက်စစ်မှူးကို ခေါ်ယူဖို့ အာဆင်နယ်က စိတ်ဝင်စားနေဆဲ ဖြစ်ပြီး လက်ရှိ ဆောင်းရာသီ အပြောင်းအရွှေ့ မှာလည်း မန်ချက်စတာယူနိုက်တက်နဲ့ သတင်းတွေ ထွက်ပေါ်ခဲ့ပါတယ်။
ဂျူဗင်တပ်စ် ဘက်ကတော့ သူတို့ရဲ့ အဓိက တိုက်စစ်မှူးကို လက်မလွှတ်လိုဘဲ လက်လွှတ်ခဲ့ရမယ် ဆိုရင်တောင် စံချိန်တင် ပြောင်းရွှေ့ကြေး ရရှိမှ ရောင်းချသွားဖို့ ပြင်ဆင်ထားတာ ဖြစ်ပါတယ်။
ရိုးမား ပရိသတ်တွေကို ပြန်လည် ဝေဖန်ခဲ့တဲ့ နည်းပြ မော်ရင်ဟို
ရိုးမား နည်းပြ ဟိုဆေး မော်ရင်ဟိုက ဂျီနိုအာကို အနိုင်ရရှိခဲ့တဲ့ စီးရီးအေ ပွဲစဉ်မှာ အသင်းရဲ့ ကြယ်ပွင့် နီကိုလို ဇန်နီယိုလိုကို လှောင်ပြောင်ခဲ့တဲ့ ပရိသတ်တွေ အပေါ် ပြန်လည် ထိုးနှက် ဝေဖန်သွားခဲ့ပါတယ်။
ဂျီနိုအာနဲ့ ပွဲမှာတော့ ရိုးမား ပရိသတ်တွေဟာ သူတို့ရဲ့ ကြယ်ပွင့်ကစားသမား အပေါ် လှောင်ပြောင်ခဲ့ကြတာ ဖြစ်ပြီး မော်ရင်ဟို ကတော့ သူ့ရဲ့ ကစားသမား ဘက်ကနေ အပြည့်အဝ ကာကွယ်ပြောကြားပေးသွားခဲ့တာ ဖြစ်ပါတယ်။
မော်ရင်ဟို အတွက် (၂၀၀) ရာခိုင်နှုန်း ပေးဆပ်မယ် ဆိုတဲ့ ဒီဘားလား
ရိုးမား တိုက်စစ် ကြယ်ပွင့် ပေါ်လို ဒီဘားလားက နည်းပြ ဟိုဆေး မော်ရင်ဟို အတွက် (၂၀၀) ရာခိုင်နှုန်း ပေးဆပ်သွားမယ်လို့ ဖွင့်ဟ ပြောကြားသွားခဲ့ပါတယ်။
ဂျီနိုအာကို အနိုင်ရရှိခဲ့တဲ့ စီးရီးအေ ပွဲမှာ ဒီဘားလားက အသင်း အတွက် အဖိုးတန် အနိုင်ဂိုးကို သွင်းယူပေးခဲ့ပြီး အဲ့ဒီနောက် မှာတော့ ဒီဘားလားက နည်းပြ မော်ရင်ဟို အတွက် (၂၀၀) ရာခိုင်နှုန်း အထိ ပေးဆပ်မှာ ဖြစ်ကြောင်း ဖွင့်ဟ ပြောကြားခဲ့တာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
